Harroni çdo vakt në verë dhe jepini rëndësi drekës! Një menu ‘light’ e cila do t’ju mbajë në formë gjatë ditëve të plazhit, por që në brendësi ka shumë aroma dhe shije familjare. Bordo ju sugjeron një recetë të thjeshtë, të shpejtë dhe goxha të shëndetshme për ditët e nxehta të verës.

Kungulleshka të mbushura me peshk

Përbërësit: 

6 kungulleshka të rrumbullakëta,
400 g merluc,
1 qepë,
1 thelb hudhre,
1 tufë mente,
vaj ulliri.

Përgatitja:

Hapni me kujdes kungulleshkat, hiqini tulin dhe lëreni të kullojnë. Pritini tulin e kungulleshkave në copa të vogla dhe kaurdiseni për 10 minuta në pak vaj ulliri bashkë me qepën e grirë dhe hudhrën e shtypur.

Më pas, pritini fileton e peshkut në kube të vegjël, shtoni gjethet e mentes të grira imët dhe përzieni këto përbërës me tulin e kungulleshkave, duke i rregulluar me kripë dhe piper. Mbushni kungulleshkat me harxhin e përgatitur, spërkatini me vaj ulliri dhe vendosini kapakun sipër. Piqini në furrë në temperaturë 180 gradë Celsius për 30 minuta.