Një debat tepër i tensionuar ka shoqëruar mbrëmjen e sotme emisionin “Opinion”, ku përplasja verbale mes Albatros Rexhajt, gazetares Klodiana Lala dhe moderatorit Blendi Fevziu arriti në tone të pazakonta.

Gjatë diskutimit, shkëmbimi i replikave u ashpërsua deri në atë pikë sa Fevziu i kërkoi disa herë Rexhajt të largohej nga studio, duke reaguar ndaj mënyrës se si po zhvillohej debati. Pavarësisht momentit të tensionuar, Rexhaj vijoi të ishte pjesë e emisionit dhe situata nuk kaloi në përplasje fizike.

Pamjet rikthyen në kujtesë edhe incidentin e shkurtit në të njëjtën studio mes Berat Buzhalës dhe Albatros Rexhajt, kur një debat i ashpër për pak sa nuk doli jashtë kontrollit. Në atë rast pati raportime kontradiktore për kontakt fizik; vetë Fevziu deklaroi më pas se nuk kishte pasur përplasje fizike dhe se dy të ftuarit ishin pajtuar gjatë pushimit.