Cila është këpuca e përsosur e verës?
Mbi këtë pyetje merr formë koleksioni i ri i Di Fratelli. Një koleksion që rishkruan edhe një herë idenë e elegancës, duke i dhënë sezonit një stil të vetin, të dallueshëm që në hapin e parë.
I krijuar për gruan dhe burrin që nuk bëjnë kompromise me stilin, koleksioni është një udhëtim drejt një mënyre jetese ku luksi dhe rehatia nuk konkurrojnë, por plotësojnë njëri-tjetrinGruaja Di FratelliAjo nuk vrapon pas asaj që është në modë. Ndoshta sepse ka gjëra shumë më interesante për të bërë me kohën e saj.
Mund ta gjesh me një fustan të thjeshtë linoje, flokët ende të trazuar nga era e detit dhe një palë slingback bordo. Dhe, në të vërtetë, nuk i duhet shumë më tepër se kaq.

Edhe koleksioni nis pikërisht nga kjo ide. Feminiteti nuk kërkohet te klishetë, por te linjat e pastra dhe te detajet që bëjnë diferencën. Takat zgjaten, format mprehen, siluetat lirohen nga çdo gjë e tepërt. Metali dhe drita hyjnë në lojë me masë, ndërsa një fije guximi i jep çdo pale atë karakter që nuk kalon pa u vënë re.

E zeza i shkon gruas që nuk ka nevojë të ngrejë zërin për të lënë përshtypje. Prania e saj mjafton.

Bordoja ka një tjetër forcë. Më e thellë se e kuqja dhe më e papritur se e zeza, ajo mbart një sensualitet të përmbajtur, që nuk kërkon miratimin e askujt. Në një palë slingback, bëhet ai detaj që lidh gjithë pamjen dhe i jep pikën e fundit.

Me mbrëmjen vijnë ari dhe argjendi. Nuanca që marrin jetë nën dritë, pa e tepruar dhe pa kërkuar skenën për vete. Janë për ato net që nisin rreth një tryeze, vazhdojnë pa plan dhe përfundojnë kur askush nuk po sheh më orën.

Në fund, kjo është edhe fryma e koleksionit. Jo medoemos një biletë për në Kapri apo Saint-Tropez, por ajo ndjesi e rrallë kur telefoni harrohet në fund të çantës, mbrëmja merr kohën e vet dhe ti nuk ke asnjë arsye për të nxituar.

Burri Di Fratelli

Ai i njeh mirë rregullat e elegancës, ndaj e di edhe kur ia vlen të dalë prej tyre.

Një kostum në jeshile të thellë, këmisha pak e hapur në jakë dhe një palë këpucë të zeza që i japin peshë gjithë pamjes. Në vështrim të parë, asgjë nuk duket e tepruar. Por pas kësaj thjeshtësie ka masë, shije dhe një kujdes për hollësinë që nuk ka nevojë të shpallet.
Ai nuk vishet për të dëshmuar se ka stil. E njeh mirë veten, e di çfarë i shkon dhe zgjedh pa u menduar gjatë për miratimin e të tjerëve. Pikërisht kjo siguri, e mbajtur pa zhurmë, është ajo që e bën të dallohet.

Dhe këtu gjendet edhe thelbi i koleksionit. Di Fratelli nuk përpiqet të të bëjë dikë tjetër. Përkundrazi, i jep më shumë peshë asaj që je tashmë, duke e kthyer çdo zgjedhje në një simbol të karakterit tënd.