Roma është pushtuar nga glamuri shqiptar këtë javë! Këngëtarja e dashur për publikun, Orhidea Latifi, e njohur nga të gjithë si Kida, po kurorëzon dashurinë e saj me partnerin, Ajbin, në një ceremoni përrallore në kryeqytetin italian.

Çifti ka zgjedhur një rezidencë luksoze aristokratike të shekullit XIX për t’i dhënë fund beqarisë. Pas një propozimi magjik në dhjetor të vitit 2024, ku Ajbi i vendosi në gisht një unazë diamanti gjatë ditëlindjes së saj, festa e madhe ka mbledhur emra të njohur të estradës shqiptare.

Atmosfera pritet të arrijë kulmin me performancat e dy legjendave të muzikës shqiptare, Ermal Fejzullahut dhe Sinan Vllasaliut. Lista e të ftuarve VIP është e mbushur me emra të njohur. Përveç yllit Dafina Zeqiri, në Romë ka mbërritur edhe hitbërësi Yll Limani, duke e kthyer këtë dasmë në një nga ngjarjet më të komentuara të showbiz-it shqiptar.

Kida, e cila gjithmonë e ka ruajtur me kujdes jetën e saj private, më në fund po ndan pamje nga përgatitjet e fundit.

Një gjë është e sigurt: kjo dasmë premton të mbetet gjatë në kujtesën e të gjithëve!